بناڤێ خودایێ مەزن و دلۆڤان

پەیمانگەها بەهدینان یا نە حکومی، ئەم شانازیێ ل پێشوازیا قوتابی و خواندەڤانان دکەین ژبۆ پێنگاڤا وان یا پاشەرۆژێ، سۆزێ ددەین کو قوتابی فێری زانست و گۆهرینێن سەردەم بکەین. پەیمانگەها مە ب وردی ل سەر هندێ راوەستیایە کو تیمەکا ئەکادیمی یا ئاست بلند هەبیتن کو بڕوانامەیێن ماستەر و دکتورایێ ل زانکۆیێن کوردستان و عێراق و ئەوروپا هەیە. ئەڤ مامۆستایێن بەڕێز برێکا بەرنامەیێ زانستی و پەروەردەیی یێ گشتگیر ب باشی ڕاهێنان پێ هاتینە کرن و دەوڵەمەندن ب ئەزموونا چەندین سالان ل پەیمانگەها مە. پشتراستین کو قوتابی و خوێندکارێن خۆشتڤی رۆلەکێ بەرچاڤ و کاریگەر لسەر بازاڕێ کاری دکەن و رۆلەکێ گرنگ دگێڕن لسەر پێشئێخستنا کۆمەلگەها کوردی دا. پەیمانگەها مە پابەندە ب بلندکرنا ئاستێ خواندنێ ل باژێرێ دهوکێ و سەرانسەری و کوردستانێ. پشتەڤانیا هەوە دکەین کو ل پەیمانگەها مە بخوینن و هەوڵبدەن زانیاریێن زێدەتر وەربگرن و بەردەوام بن د پێشڤەچوونێ دا بتایبەتی پشتی دەرچوونا هەوە.مە شیان هەنە کو پێکڤە ئایندەیەکێ گەش بۆ وڵاتێ خۆ بینینە هەبوونێ.